Beste leverandør av økologiske produkt
No er tida inne til å komme med forslag på gode kandidatar til kåringa av "Årets leverandør av økologiske produkt".
Det er publikum som bestemmer kven som skal nominerast. Prisen skal delast ut under Den Norske Matfestivalen i Ålesund 22.-26. august.
Den Norske Matfestivalen i Ålesund, Fylkesmannen i Møre og Romsdal og Bioforsk Økologisk står for utdelinga av prisen.
Dette er kriteriene:
- Prisen skal delast ut til ei bedrift eller ein person som produserer og sel, eller på annan måte forhandlar økologiske produkt.
- Prisvinnaren eller prisvinnarane skal gjennom arbeidet sitt ha vist at han/ho forstår heilskapen i den økologiske tankegangen.
- Produktleveransane skal være profesjonelle og sikre, og halde ein høg standard.
- Produkta skal i hovudsak seljast gjennom daglegvarehandelen.
Frist for å komme med forslag er 22. juni 2012.
Regjeringa har som mål at 15 prosent av matproduksjon og matforbruk i 2020 skal vera økologisk.
Vidare seier regjeringsfråsegna at Noreg heng etter andre land når det gjeld å gjera økologiske varer tilgjengelege for forbrukarane, og at regjeringa vil styrkja dette området.
Regjeringa ynskjer at det offentlege går føre som ansvarleg forbrukar og etterspør miljøvenlege varer og varer som er tilverka med høge etiske og sosiale standardar.
